കോരിത്തരിപ്പിക്കുന്നതാണ് സനല്കുമാറിന്റെ വിജയവഴി. തിരുവനന്തപുരത്തെ ഒരു നാട്ടിന്പുറത്ത് സമൂഹത്തില് മാന്യതയുള്ളൊരു കുടുംബത്തില് ജനനം. പക്ഷേ, പ്രീഡിഗ്രി കഴിയുമ്പോഴേക്കും ജീവിതം പലവിധ പ്രതിസന്ധികളാല് ഇരുളടഞ്ഞു. വീട്ടില് പട്ടിണി മാറാന് കൗമാരക്കാരന് തുടര് പഠന മോഹം വെടിഞ്ഞു കൂലിപ്പണിക്ക് പോകേണ്ടി വന്നു. 19ാം വയസില് പെയിന്റിംഗ് തൊഴിലാളിയായത് അങ്ങിനെ.
ജീവിതത്തില് വിജയം വരിച്ച അനേകരുടെ സ്വപ്നങ്ങള്ക്ക് പിന്നീട് സ്വപ്നക്കൂട് ഒരുക്കിയ സനല് പക്ഷേ വിട്ട് കൊടുക്കാന് തയ്യാറല്ലായിരുന്നു. വൈറ്റ് സിമന്റിനാല് കൈകള് പൊള്ളിയടര്ന്നിട്ടും 'നല്ലവീട്ടി'ലെ കുട്ടി കൂലിവേലക്ക് പോയെന്നതിലെ പരിഹാസത്തിലും സനല് തളര്ന്നില്ല. പണി ചെയ്ത് തളര്ന്ന് വീട്ടിലെത്തിയ കൊച്ചുപയ്യന് ഒരു പെയ്ന്റിംഗ് കോണ്ട്രാക്ടറാകുന്നതിനെ കുറിച്ച് സ്വപ്നം കണ്ടു.
സന്ദീപ് എന്ന സുഹൃത്ത് പ്രമുഖ മൈന്റ് ട്രെയ്നറും സക്സസ് കോച്ചുമായ ഡോ.പി.പി വിജയനെ പരിചയപ്പെടുത്തുന്നത് ആയിടെയാണ്. സ്വപ്നങ്ങള്ക്ക് ചിറകുകള് നല്കാന് ഇത്തരം നിരവധി പഠനങ്ങളിലേര്പ്പെട്ടു.
തൊഴിലിലെ ആത്മാര്ത്ഥതയും നൈപുണ്യവും കണ്ട് ഒരു പ്രമുഖ പെയിന്റിംഗ് കമ്പനി സനല് കുമാറിന് നേരിട്ട് കരാര് കൊടുത്തു. ഇതൊരു വലിയ തുടക്കമായി. ലോകപ്രശസ്തമായ ശോഭ ഡവലപ്പേഴ്സിന്റെ ഒരു കരാറും നേടിയെടുക്കാന് പിന്നെ വൈകിയില്ല. തുടര്ന്ന് കേരളത്തിന്റെ വിവിധ ഭാഗങ്ങളിലായി നിരവധി നിര്മാണ പ്രവര്ത്തനങ്ങള് ഏറ്റെടുത്തു വിജയകമായി പൂര്ത്തിയാക്കി പ്രശംസ പിടിച്ചുപറ്റി. അതിവിദഗ്ധരും പരിചയ സമ്പന്നരുമായ എന്ജിനീയേഴ്സ് ഉള്പ്പെടെ ഇരൂനൂറില് പരം പേര്ക്ക് പ്രത്യക്ഷമായും പരോക്ഷമായും തൊഴില് നല്കുന്ന ബില്ഡറാണ് സനല്കുമാര് ഇപ്പോള്
